Joxe Miel Barandiaran
Bermeoko Udal Liburutegia
- Liburutegiko lotura aukeratuak:
»Hemen zaude: Zerbitzuak/ Maizko zalantzak
Maizko zalantzak
-
Zer egin behar dut liburu bat edo pelikula bat etxera eramateko?
Etxera eramateko zerbitzua erabiltzeko bazkide txartela izan beharko duzu.
-
Zer egin behar dut bazkide txartela lortzeko?
Zure datu pertsonalekin inprimaki bat bete eta argazki bat erantsi.
-
Zer da bizkar etiketa?
Liburuen signatura da, liburutegian bere kokapena zein den jakiteko, liburu bakoitzari ematen zaion kodea. Katalogoa kontsultatzen duzunean liburu bat eskuratzeko, kode hau idatziz gorde beharko duzu.
-
Zenbat liburu eroan ahal dodaz? Eta filmak? Eta musika?
3 liburu, 3 ikus-entzunezkoak (CD edo DVD edo VHS) eta 2 aldizkari.
-
Zenbat gauza atera ahal ditut era batera?
Gure liburutegitik 3 liburu, 3 ikus-entzunezkoak eta 2 aldizkari, guztira 8 dokumentu. Baina beste liburutegi batetik beste 8 eskura ditzakezuz; beraz guztira 16 dokumentu eskura daitezke.
-
Zenbat egunetan?
Liburuak 15 egun eta ikus-entzunezkoak 7 egunetako mailegua daukate.
-
Zelan topako dut liburua liburutegian?
Liburutegiko katalogoan kontsulta eginez.
-
Zelan jakingo dut behar dudan liburua liburutegian dagoen?
Liburutegiko katalogoan bilaketa eginez eta atzeman ondoren, signatura ikusi, liburutegiko apalategietan koka dezazun.
-
Ordaindu egin behar da pelikulak etxera eramateko?
Ez, zerbitzua askea eta doakoa da.
-
Nik nahi dudana beti dago kanpoan...
Behar duzun alea maileguan badago, katalogotik erreserba egin dezakezu edo liburutegiko informazio bulegoan. Eta bueltatzen duten unean, erabiltzaile berriaren eskueran geldituko da.
-
Nik behar dudana ez dago. Baduzue erarik lortzeko?
Liburutegira zuzendu eta liburutegien arteko mailegu zerbitzuaren bitartez eskaria egin.
-
Nahi dudana ez badago liburutegian, erosteko eskatu ahal da?
Bai, desiderata bat bete nahi duzun dokumentuaren izenburua adieraziz.
-
Liburutegiak ez dauka nik behar ditudan liburuak...
Bideak hauek dira: desiderata, katalogo kolektiboaren bidez edota liburutegien arteko mailegua.
-
Katalogoarekin ez naiz aklaratzen. Zelan topatu behar dira gauzak?
Katalogoan bilaketa izenburuaren, idazlearen, gaiaren edota argitaletxearen,... bitartez egin dezakezu. Arazorik izan ezkero, erakusmahaira jo eta kontuan hartzeko gertu egongo dira.
-
Katalogoan badagoela dakar eta apalategian ez dago.
Katalogoak liburu bakoitzaren egoera azaltzen du, liburua mailegatua badagoen eta noiz bueltatuko duten adieraziko digu. Liburua erabilgarri badagoen, baina ez da bere apaleategian ageri, momentu horretan norbait kontsulta bat egiten dagoela esan nahiko du. Egoera errepikatzen bada, informazio bulegora jo.
-
Jartzen duzuen epea laburra bada niretzako?
Liburuen mailegua 2 aldiz jarraian berriztu daiteke, bakoitzaren iraupena 2 astekoa izanik eta bitartean beste inork, mailegua eskatzen ez duen bitartean.
-
Ez badit astirik ematen irakurtzeko ezin dut denbora gehiago eduki?
Mailegua luzatu dezakezu 2 astez, katalogo kolektiboaren bitartez, imprimakiak beteaz, telefonoz edota liburutegian bertan.
-
Eta hiru liburu baino gehiago behar badot?
3 liburu baino gehiago ezin daiteke eskuratu; beraz, aleak bueltatutakoan, 15 egun igaro ondoren, berriro mailegua egin beharko duzu.